1336. April 7.

In Nomine Domini Amen. Ea que fiunt in tempore simul cum tempore (sic) si non litterarum et testium probacione roborantur. Hinc est quod Nos Prothus Prepositus, Gotfridus prior, Thalislawa Priorissa totusque Conventus Fratrum et Sororum Domus dei ordinis Premonstratensis dyoc. Wrat. villam nostram Wauelno wlgariter dictam desiderantes melius proficere et locari, habentes in eadem plenum Jus dominii ad peticionem nostrorum hominum in eadem, Sculteti et villanorum in Jus subsequens et prescriptum perpetuo collocamus. Ita videlicet quod quilibet laneus nobis et Monasterio pro utroque iure dominii et ducali fertonem in festo beatorum Philippi et Jacobi, et secundum fertonem in die Nativitatis Virginis gloriose, et tercium circa diem Epiphanie solvere perpetuo tenebuntur. Arare eciam nobis ter in anno debebunt et fruges de predicta villa ad nostrum Monasterium deducent. Ad iudicium ter in anno Sculteti et villani expensas nobis aut nostris nuncciis procurabunt. Honores et servicia secundum ritum et consuetudinem terre nobis facient in Nativitate domini et in pasca. Ad sculteciam vero predicte ville ut olim antea, quatuor lanei pertinebunt, quos laneos predictis scultetis Stephano et Nicosconi ac eorum heredibus perpetuo possidendos presentibus confirmamus, cum tercio denario de culpis, et taberna, de quibus nobis de bona voluntate secundum valorem fideliter servire tenebuntur. Concedimus eciam ipsis in dicta villa Maccellas carnis et panis scampnum cum Molendino si fieri potest construere et locare. In cuius rei testimonium et evidenciam presens scriptum nostrorum sigillorum munimine videlicet prepositi et conventus fecimus roborari. Datum in domo nostra anno domini Millesimo trecentesimo Tricesimosexto, in dominica Quasimodogeniti, presentibus hiis, domino Henrico de Dambrowa, et domino Thilone de Dilnicza plebanis, Jescone Ricozsa de Dobrzna, Frixcone de Zelesna, Barthcone de Czarnowans scultetis, Peregrino et Thoma civibus Opoliensibus, Wenecossio et Gregorio rusticis dicte ville, et aliis quam plurimis fidedignis.

Aus der Bestätigung vom 8. Aug. 1398.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.